يوميات طالب جامعي

السنه االاولى في الجامعه اخوكم كان ماخذ مساق اختياري وااايد سهل .. والحمد لله ياب في السعي الاول والسعي الثاني
Full mark
وازيدكم .. انا ماغبت والحمد لله على خلاف ربعي رفاق السوء ( اسولف معاكم :p ) اللي دوم يشردون .. وكان الدكتور الحبيب ينهايل على بالمديح لاني الطالب الوحيد اللي ماغاب ولا محاظرة وقال ابشر بدرجات مشاركة عالية .. يوم من الايام طلب هالدكتور الحبييب بحث ولكنه طلب بحث تقول بحث ماجسيتير .. وطبعا اخوكم مب مال هالسوالف كنت دايم اطنش الدكاتره ومتعود يعطوني من 6 الى 8 من عشرة .. المهم ماسويتله .. وقبل الامتحانات ويوم حطوا درجات المشاركة اخوكم متحمس يبغي يعرف كم درجته قبل ما يدخل المعركة الكبرى ... المهم وانا ادور لقيت 2 من طلاب الصف ناخذين 2 من عشرة ويلست اضحك عليهم لكن المصيبه الكبرى اني تفاجئت انه انا هذا اللي ماخذ 2 فانصدمت وقلت افا وين الكلام الطيب من الدكتور والمديح ووين الدرجات اللي واعدني فيها .. لكن للأسف قال انته ماعملت بحث وزين عطيتك 2 .. قلت الحين انا ولا يوم غايب و تعيطني 2 واللي ماخذ انذار ثاني تعطيه 2 ماشيي فرق .. قال خلاص انا رصدت الدرجات .. فمن يومها بدى مسلسل انحرافي وبديت اغيب عن المحاظرات .. ادعولي بالثبات ..
ودمتم سالمين

-------------------------------------------------

ويوم من الايام كان عندي امتحان الساعه10 الصبح ... المهم اخوكم ناش متاخر 9.30 وطلع بسرعه على اعصابه والحمد لله الاكورد ما قصرمعاي وصلت 10 وساير ركض القاعه يوم وصلت الدكتور الحبيب حاط ورقة قال ما شي محاظرة اليوم .. دعيت عليه لين ما قلت بس !!!