..{ مزرعتناا في خطر ..ْ~*

السلام عليكمـ ...


شلونكوو أخضر ولا أحمر .. لووول .. شحالحكوو .. شخباركوو .. شو مسوين .. شو ما مسويين .. شو كلتو .. شو ما كلتو .. لووول ..



الموهيييم < - - وايد رمست خخ


• تقرير عن الرحله } ~


الأعضاء المشاركون في الرحله :- بنات وشباب العايله ^^


- الله يسلمكوو الساعه 4 ونص العصر البارحه (( يوم الأحد )) ظهرنا وسرنا مزرعتنا اللي في الختمـ بس 7 شباب و 8 بنات .. وطبعا نحن وصلنا قبل الشباب واول ما وصلنا طردنـاا الهنود عسب نآخذ راحتنا من دون علمـ الشباب وتمينا نحوط ونتمشا والشباب محتشرين الهنود ويين ..؟ وين الهنوود ..؟ ونحن طـااف نسوي عمارنا ما ندري << سوساات .. وبعدين يو الشباب عندناا يسألونا أونه وين الهنود شفتوهمـ ..؟ ونحن كل وحده تطالع الثانيه وتضحكـ عقب قالت بنت عمي >> حرم المنصوري :- بناااااات شرررررررده .. وكلللنـاا نترابع وهمـ عيبتهم السالفه تمو يربعون ورانـاا .. وكـناا نربع بين الزرع والزرع كان يزلق .. وواحد من الشباب يقول :- لا اطيحون بنااات لا اطيحون << اونه خايف علينـاا .. ومن عيونه طااحت حرم المنصوري طييحه انما اييه وفوقها أنـاا << حليلي .. واسمع بنت عمتي تقول :- مابا اطييح مابااااا وترد ريـوس واطيح خخخخخ .. والباجي من الخوف والظحك ما رامو يتحركون يلسوا .. وجااان يصيدونا الشباب !! .. ونحن من الخوف اعترفناا ان عطيناهمـ إجازه .. وهمـ احتشرو اونه " بأمر منووه تعطوهم اجازه " ونحن تمينا نظحك وقالو :- هين أن ما خليناكمـ تنظفون المزرعه ما نكون نحن عيال الـمنصوري .. وعقب قال ولد عمي :- يلا شباب ما اوصيكمـ فرو وصاختكوو في الارض خلو الهنديات ينظفن ..!! .. ونحن شويه وينصيح نحن في بيتنا ما انظف عاد انظف هنيه ..!! .. المهم طااف سرنا صلينا المغرب ويلسناا وشويه عقب سرنا نصور وشويه ونسمع صوت ميحد حمد .. وعاد بنت عمي مسكت راسها وقالت :- وااابوي ليكون ميحدوه عندناا ..!! .. وعاد بنت خالي ما صدقت سمعت ميحد تمت تصارخ :- ميييييييحد .. وتمت تربع صوبهو وعاد حصلت الشباب مشغلين المسجل وايولون .. قالت :- اوووه سخيفين تحرينا ميحد ياي << احلامنا كبيره ..عاد قلنا يلا بنيلس نتطنز ما ورانا شي .. وعاد الله لا يراويكو ما يعرفون ايولون الأغنيه في صوب وهم في صوب ثاني .. وعاد نحن ظحك وطنازه وعقب قالت بنت عمتي :- وين اختيه ..؟ .. ويلسنا ندورها حصلناها ورانا مجابله تيلفونها وتيبس << جنه زاختنها كهرباء وعاد نقعنا ظحك عليهاا .. واناا يلست اقول Dawn Dawn وعاد هي تحرت ميحدوه يقول Dawn تمت تيبس ع تحت << الاخت مخترشه ع الآخر .. المهم خلصت الاغنيه وقالو الشباب يلا بنسوي جلسه شعريه يلسنا داخل الخيمه .. عاد كل واحد قال شعر وشعرهم مخبص حاطين في شعرهم غنمـ وقطااو وسحالي ونحن هب فاهمين شي ونحن اونه نصفق اونه فالكمـ البيرق وهم مستانسين اونه :- شكرا شكرا ..<< وين عايشين !! وعاد أنـا مادري شو ياني شفت الفون وجان اشوف الساعه 11 قلت يلاااااا ع البيت وعاد الشباب اونه بيباتون في المزرعه واحتشرنا اونه " لازم تردون ويانا نبا نخطف ع الشيشه " المهم ردو ويانا وخطفنا ع الشيشه .. تمينا نصيح نباااا حلاااااااوه ونـبااا حلاااااوه .. وقاالو خلاص انزلن بس تتغشن .. المهم تغشينا ونزلنا وخمينا الحلاويات وهربنا السياره وخلينا الشباب يتوهقون ويدفعون .. المهم ظهر الحساب 200 درهم ويايين السياره اونه يلاااااااااا نباا فلوسنـاا ..!! << زطوووط .. قلنا بوكـنا في البيت << وكل وحده حاطه شنطتها تحتها عسب ما تدفع .. المهم اشترينا من الدجاج الجنوبي وردينا البيت ميهودات ومتخشعاات << صح حرم المنصوري .ز ومزجمات من البرد ..!!

وبس مع تحيات :-الهنوف + حرم المنصوري + برستيج مزيونه + بنات وشباب المنصوري ..!!