فزااع "تجارب شايب"

الشعر في راسي تجارب شايب و ثورة شباب

إلى برق هاجوسي وهلّت مثل وبل السحاب

يا خوي يا (راشد بن محمد) ويا سمح الجناب

نويت مدحك وانفتح لي في المدح مليون باب

لا ضاقت الدنيا عليّ أقول مالك يالصعاب

يامحزمي أصغر صفاتك بس تحتاج لكتاب

المرجله إمّا وراثة جد والاّ باكتساب

تعزف عن الأضواء لين النور أرسل لك عتاب

والناس تسألني عن أحوالي وأنا أقول الجواب

وإذا فرح أفرح معه وإذا شعر بالاكتئاب

إخوان فينا عزّة وْ هيبة وْ وقفاتٍ قراب

ننافس بْشوط الركاب ، ونسبق بشوط الركاب

ألله خلقنا للتقدّم والتطوّر والصواب

صغيرنا يحشم قدر كبيرنا ولا نهاب

فينا الأدب فطره ولا نخرج عن حدود الآداب

أفعالنا تلفت لنا الأنظار قدّام الرقاب

حِنّا عيال اللي صنع من بعد عصر الانتداب

عجيب والحكّام تنظر في سموّه بانعجاب

واعداه ما تطمع بفنجاله وتحسب له حساب

من غرب الأرض اللي يغطي شمسها كثر الضباب

ومْن الجنوب اللي هبوبه يوم هبّت بانسياب

من حكمة الله يوم تمشي مثلنا فوق التراب

والاّ مكانك فوق فوق العاليات مْن الهضاب

هذي أحاسيسي بعد ما أسرفت في طول الغياب

تقبّلوها قبل ما أعلن بداية الانسحاب

تجارب الشيبان لا اختلطت بثورات الشباب

وأفكار شاعر يحسب الكلمة لا منّه قالها

تحيي قلوب أكثر جماهيري وتشغل بالها

يا مجد دوله سطّر التاريخ فعل أبطالها

وعرفت بان الطيّبين المدح ما يرقا لها

إلا عضيدٍ كل ما ضاقت يقال : أنا لها

والاّ القصيدة مستحيل توصّفك بلحالها

وأنت الوريث المكتسب ونقول فالك فالها

الأرض وش تسوى بليّا شمسها وهلالها

روحوا لراشد واسألوا عن نفسه وعن حالها

أشعر معه بالاكتئاب .. بحلّها وترحالها

والأوسمة تسعى لنا لو كان ما نسعى لها

والا اعتلينا ع ظهور الخيل .. حن خيّالها

وتعقد علينا دارنا .. طموحها وآمالها

مْن السنين .. وكل ما قامت لنا قمنا لها

وقلوبنا بيض وْعزايمنا تهدّ جْبالها

وأهل الفعول تموت لكن ما تموت أفعالها

المعجزات الكايده بأنواعها وأشكالها

حَسْنَتْه عند الله مِجْزيّه بعَشْر أمثالها

وهو إلى منّه تحدّاها شرب فنجالها

لشرق الأرض اللي توهّج شمسها أضفى لها

تردّد اسمه وتتغنّى بأحرفه شمالها

لجل تكون أنت السند للأرملة وأطفالها

ماهوب فوق الأرض يا أغلى من وطا برمالها

من شاعر جاته جماهيره وجا إرضا لها

طوّلتها بس اعذروا ( حمدان ) يوم طالها

تصنع قصيده مبدعه وتسلب عقل من قالها

ثانكس يالشامسي على القصيده

تسلــــم ايدكـ على القصيده الحلووووه

طويلــــة !!!

بس وااااايد حلووووه تعيبنى قصايده يوم اييلس يمدح عمره و فخر .... الخ

يــــــــلا نتريــاا يديدكـ نزل لنااا قصايد ثانيـــه :)