سوالف الشباب من الالف الى الياء

[b]السلام عليكم ورحمه الله وبركاته

شحالكم شخباركم ..؟!

..
.
شوفو طلبات الرياييل من اولها من الفـ لين الياء
..
الالف : أبويه أبغي أعرس ( لوووووووول من أولها

الباء : باجر بعزم ربعي سوولي عشى محترم

التاء : ترى اليوم ما ببات في البيت ...معزوم عند الربع ( ليش متي قريت في البيت)

الثاء : ثيابي كلها تخيست آيل لما سرت الصناعيه .. غسليهم الحين

الجيم : جيمه هذي السيارة 250 ألف .. ها شو قلت يالوالد بتدفع ؟

الحاء : حبيبتي ...معاشي خلص وانتي تدرين البنوك مب مخليني في حالي ..اهون عليج اطلع مفلس ..يالله عاااد عطنيي كم ألف ابا سير احوط شوي ..(توه حبيبتك وقبل الله ياخذ هالويه )

الخاء : خمسين مرة قلتلج ما أحب الدياي سويلي سمج يالله

الدال : دوريلي كنتدورتي العنابيه والغترة العنابيه بعد ( عشان يكون مطقم اونه ) ونعالي العنابي ( بالخير حشا) ولبقوا الضو بسرعه مستعيل ابا اظهر .. ربعي يتريوني عل وعسي نقردن كم مزيون ( بيموتون وبيقردنون)

الذال : ذوبت بنات دبي وبوظبي والشارجه ..بموتري ..( ومناك الويه ما يشاهد)

الراء : راتبي وراتبج واحد غناتي .. مب مشكله لو خذت منه 5 الاف بس .. تراني محتاج << ومناك يبا يسافر بانكوك عشان يهيت

الزاء : زودوها التحريات مب مخلينا نسترزق في السناتر ...( انتوا جيه ومب مقصرين)

السين : سيارتي مغبره بوديها الغسيل ( طار لونها من كثر ما تغسلها اربع وعشرين ساعه )

الشين : شنبي الله يغربل الحلاق خربه لي ( الحلاق لاعت جبده من مجابل ويهك عيز وهو يعدل فيه )

الصاد : صفيت البنات يقولك صف ...شو اسوي يوم ربي خلقني وسيم ( حليله اكيد بيتهم ما فيه مناظر)


الضاد : ضروري تدخن وتتعطر وتزقرت ..علشان البنات يعطونك ويه ولا علي هالحال انا اشهد حتي سيلانيه ما بتلتفت لك ( واحد خبره يعلم اربيعه مبتدأ)


الطاء : طالع طالع هاي من الصبح تطالعني ...اكيد عايبنها ( مشاااااااكل متوهق في عمره .. ما يصدق حد يطالعه لو نظره ..يمكن مستغربه من شكلك انزين

الظاء:ظنك البنات شو يعيبهم ..اللحيه الخفيفه ولا الغليضه ولا أشل اللحيه واخلي الشنب ..شو الاحلي ( لا تحااااول لو شو ما بسوي ما بتصير حلو ..الحلو حلو لو حتي ناش من رقاده

العين: عنبوه بلاه المركز خالي مافيه حد

الغين :غير الفحم يا معلم ...( ارحم صدرك من الدخان حتي المطافي عبالها حريجه شابه فيه ويايه اطفيها )


الفاء : فاتتك الصراحه السيره اليوم شو تصعيد ...شو شباب يترايسون عجيب

القاف : قم انسير السينما يقولك منزلين فلم اكشن يجنن ..كله تجتيل ( بيموتون على الضرابه )


الكاف :كسرنا سيارته يقولك ..ضربناهم ضرب عيل الخايس يصيح عليه ويل ( وين تبي الدنيا فوضه)


اللام : لازم اليوم اغلب ربيعي على البلياردو عاد مب كل مره انا اكون الخسران ويوم حرمتي تسألني اجذب عليها واسوي عمري بطل.( لقط ويهك)

الميم : مر على سلوم ..وعزوز ...وسعود ..بناخذهم ويانا ..بنسير نتيلس علي البحر ..وبنشوي ( الله يهديكم انشالله دوم)


النون : نبي نسوي رحله ترتوب ...نفرفش شوي عن عمارنا ( تراكم دوم هياته بعد تبون تفرفشون)

الهاء :هالزمن ما تنفعك غير المظاهر ...كم في جيبك ..كم تسوي ...

الواو : وزني زاد وكرشت يبالي اسير الصاله اتمرن علشان اعضل واستوي عريض.

الياء : يالله قم بنظهر ..بنسير نتيلس ع القهوه ..ونشيش شوي ...تولهت علي المعسل ( ما وحالك تتوله عليه) ...: [/b]

مب كل الشباب طبعا ^-*


تسلمين على الموضوع

لاهنتي ابد

سواف

الله يسلمك

ههههههههههههه

تسلم عالمرور الطيب ولا هانك ربي ابد

الشبااب اصلاً كله يبون يبون يبون ..كهكهكهـ
وسياسييين لدرجه ..
المهم يوصلون للــي يبونه ..
خخخخخخخخخخخخخخخخخخخخخخخخ
بس زين اتمصخريينهم اشوي
هههههههههههههههههههههههههههـ
تسلمين الغلاا ع الموضووع الغاوي

هههههههه

تسلمووون على المرور حبايبي ولا هانكم ربي ابد