حفظته والله اني حفظته

السلام عليكم ورحمة الله وبركاااته

قبل ما أدخل فالموضوع أحب أقوول شغلتين
فيرست أنا ما كتبت هالموضوع لأني أحسن وحده فالعالم .. لكن عشاان يكون تذكره لي قبل ما يكوون تذكره للجميع
وثاني شغله .. مم أدري ان واايد ناس قبلي اطرقوا لها الموضووع فالله يخليكم لا تقوولوون ..
"افففف شوو ها المووضووع المكرر" TK

يلاا NoW reLaX ]& rEAd ]

في احدى الكليات
س يالسه في امان الله تشرب لها كوفي وتدخل م وعيونها متنفخه
م تصاارخ بفرح : حفظته والله حفظته
س: بسم الله الرحمن الرحيم شاللي حفظتيه
م: البوووم العشق جنون حفظته كااامل
س باستغراب: ها مب أمس نازل فالسوق
م: اهه هه هههه يس .. سهرت عليه الليل كله ليين ما ختمته ..
س: اسمييييج !!
م: أعجبج انا .. تتحدين تحصلين وحده فالكليه حافظه اغاني اكثر عني
س: لا والله

فموقف ثااني .. تدخل م على س
م: بسم الله بلااج امبوزه
س: اسميني طايحه فمصيبه
م: خير شو مستوي
س: مب قلت لج انّا بنسافر ماليزيا هالسنه
م: هييه .. ليكون اتكنسلت السيره
س: لاا امييه وابوويه اشترطوا علينا .. بيودونا اذا حفظنا سورة الرحمن
م: أووونه !!
س: شفتي عاد .. م شراايج تأزريني وتحفظين ويايه
م: اوونج تنكتين حضرتج انا ويه احفظ قرآن .. يا دووب حافظتلي 6 سور من جزء عم اقضي بيهم فروضي
س: الله يعين لازم اشد حيلي .. ولا ما بسافر هالسنه
(( طبعا المواقف خياليه .. واسم الشريط خيالي الا جان حد صاارق هالاسم "من زين الاسم عاد" ))

م وس هذيلا مب بعيدين عن الواقع اللي نعيشه كل يوم ..
يمكن ما نكون مثلهن لكن بكل صراحه كل واحد يسأل نفسه كم سورة من القرآن حافظ ؟؟ 20 !! 10 !! 5 !!
"ما اتوقع ان حد يكون موول مب حافظ شي ولا كاانت المصيبه أعظم !! "..
اوكي ليش عيل ما نتحفظ ؟؟

يلست ادوور فالنت عن فضاائل حفظ القرآن .. وطلعت كمن شي ان شاء الله نستفيد منهم .. يقوولك:
أول شي حفظ القرآن سنة متبعه عن الرسول صلى الله عليه وسلم
ثاني شي ان القرآن يشفع لصاحبه، ينجيه من النار، لاا وبعد يرفع صاحبه فالجنة درجات "يااا سلاااام ".. مثل ماا ذكر فالأحاديث
قال النبي صلى الله عليه وسلم:
"اقرأوا القرآن فإنه يأتي يوم القيامة شفيعا لأصحابه"
"لو جعل القرآن في إهاب ثم ألقي في النار ما احترق"
"يقال لصاحب القرآن اقرأوارقى ورتل كما كنت ترتل في الدنيا فإن منزلتك عند آخر آية تقرأ بها"

ومب بس يكون له مكاانه فالأخرة .. حتى فالدنيا تصيير للواحد منا هيبه ورفعه اذا حفظ من القرآن .. قال النبي صلى الله عليه وسلم :"إن الله يرفع بهذا الكتاب أقواماً ويضع به آخرين".

وغييير هذا كله يرزقنا ربنا الخشووع فالصلاة ..
يعني واحد يصلي الفجر يقرأ الاخلاص والناس .. يصلي الظهر يقرأ الاخلاص والفلق ..
يأ يصلي العصر قرأ الاخلاص والناس مره ثانيه .. المغرب قرأ الاخلاص والفلق ..
على العشاء قاال لا ما يصير استغفر الله لازم أغير .. سار قرأ الناس والفلق .. وين بيروم يخشع فصلاته .. !!
على قولت عمرو خالد "مش لأنه بيحبهم، لكن لأنه مش حافظ غيرهم"

"انزين كيف نحفظ القرآن؟؟ الحين انتي من متى ترمسين وتتفلسفين وما قلتي لنا الطريقة!!"

ياااا ويلييي كلتووني بقشووري والله اني توا يايه أرمس عن كيف نروم نحفظ القرآن!!
والله بسيييييييييطه .. تحتاااج 3 اشياء النية الصادقه .. العزيمة الصادقة .. والتطهر من المعاصي
مثل ما قال الشافعي :
شكوت الى وكيع سوء حفظي .....فأرشدني إلى ترك المعاصي
وأخبرني بأن النور علم ..... ونرو الله لا يؤتاه عاصي
"عاد لا تسألوني عن وكيع ما اعرفه!! شكله رياالن طيب"

فيي جدوول وايد مشهوور .. ووايد يجسموونه على الناس اللي هوو جدول احتساب مدة حفظ القرآن الكريم

ودي كان اكتب زيااده عن حفظ القرآن بس ما فيني اطوول عليكم "اوني مول ما طولت "

وان شااء الله نعيش لليووم اللي ندخل فيه عربعنا ونقوول لهم :
"حفظته والله اني حفظته" >> "اكيد فاهمين قصدي صح .. لاا لااا مب العشق جنووون الله يهداك " هههههههه ...
ويزااكم الله خير

** الأحاديث مأخوذه من هالموقع http://www.ozkorallah.net/subject.as...=45&sub_id=960