|| .. ســـــواف تحـت المجهـــــر .. ||

تعاال انته متى بيشلوونك ؟؟

10/9/2007 آخر يوم شدي حيلج ...

1. قوول كلماات نشيده تعيبك ..

أصعب مواقف هالزمان * يوم ٍ تجي نفس المكان
يوم ٍ توادع من تحب * عينك تنادي بالحنان

تبدا تفكر في الحياة * واحلى ليالي الذكريات
كيف ابتدت لحظة غلا * كيف انتهت بيد الممات
لا يالوداع لا يالوداع لالا تجينا باندفاع

عاشر وخلك باشتياق * وابدا غلاتك باحتراق
لكن بجي يوم ٍ تكون * مدفوع بيدين الفراق
حكم القدر حق يصير * واهوا البداية والأخير
عاشر اخو دنيا وشوف * كيف النهاية والمصير
لا يالوداع لا يالوداع لالا تجينا باندفاع


2. شوو من الجبس يعيبك ..؟؟

شيتوس الحار

3. شوو تحب تسووي يوم تكون رووحك ..؟؟؟

احاسب نفسي في كل اللي سويته في يومي

4. تعرف قصة مسجد "كأني أكلت" على ما اظن انه فتركياا بعد ^^

هيه .. وهذا رابط لقصته وصور له ..

http://www.akhbaralaalam.net/news_detail.php?id=5456



5. شوو راايك فحصص المووسيقى اللي كانت فالابتدائي ..؟ ولا مدرستكم ما كان فيها !!

هههه .. لا كانت شي حصة الموسيقى كنا نعتبرها حصة احتياط الاستاذ في صوب ونحن في صوب ..
مرة ضربت في راسي انا وكم واحد كنا نقول حق الاستاذ ما بنحضر مانسمع موسيقي ويوم كنت ارد البيت ادور احاديث ( بعضها كان موضوع ) لكم كانت الغايه تبرر الوسيلة المهم كنت اوجه هالاحاديث للاستاذ وطبعا كنت دوم انطرط من الحصه واسير ايلس عند الاخصائي .. صح انه هددني انه بيرسبني لكن كلام الليل يمحوه النهار

هههههههههههه يعني كاانوااا يعطوونكم حصص موسيقى مااا اتخييل

اوووف ما تم شي لاازم صدق اشد حيلي p=

1. اي نوع من الكورن فليكس تحب ..؟
2. في اي يووم انوولدت " يعني السبت ولا الاحد .. جييه يعني .. ^^"
3. تخاف من بيت الرعب .. قوولناا موقف وانته كنت دااخل بيت الرعب ..
4. جد اشتركت فاعماال تطوعييه .. وماا هي .؟
5. شوو طمووحااتك للمستقبل ؟؟

1. اي نوع من الكورن فليكس تحب ..؟

ممم . الدب

2. في اي يووم انوولدت " يعني السبت ولا الاحد .. جييه يعني .. ^^"

الاثنين

3. تخاف من بيت الرعب .. قوولناا موقف وانته كنت دااخل بيت الرعب ..

لا .. وانا صغير دخلت في قرية الخور بيت الرعب وكنت بروحي
المهم دخلت معاي حرمه مع ريلها .. ونحن نمشي طلع لنا واحد من هالاشكال .. تخبلت الحرمه وتمت تصارخ وبدون حاسيه زختني وتمسكت فيي وبهدلتني عقت عصامتي قلت شو هالحاله مادام تزيغين ليش تدخلين

4. جد اشتركت فاعماال تطوعييه .. وماا هي .؟

يوم ضرب اعصار جونو سواحل عمان .. طلعنا ب 10 سيارات مودين مساعدات حقهم

5. شوو طمووحااتك للمستقبل ؟؟

1. اكون اسره سعيده ..
2. اشغل منصب قيادي في نيابة دبي
3. اعيش امي واخواني الصغار احلى عيشه و اساعدهم في مواجهة الحياة

اخر اسئله لهذاا الييوووم
1. اي نووع من الحشراات يعيبك ..؟
2. يوم تساافر ويا العايله كم شنطه تشلون قبل السفر وبكمن شنطه تردوون ^^
3. يوم تسير ستار بووكس شو تشرب "لا تقول ما اسير .. فرضا اذا سرت يعني"
4. تعرف تكتب بخط الرقعه
5. تحب تلعب شطرنج ..؟؟

1. اي نووع من الحشراات يعيبك ..؟

( الصرناخ ) ان شاء الله تعرفونه .. هذا الصرناخ كنا نزخه ونربطه بخيط خياطه و نخليه يطير .. كان بدال الطيارة الورقيه

2. يوم تساافر ويا العايله كم شنطه تشلون قبل السفر وبكمن شنطه تردوون ^^

لا تذكريني تكسر ظهر الصيف اللي طاف ن كثر شل الشنط ..

عايلتنا نشل 12 شنطة ويوم نرد بنرد ب 12 شنطه بعد


3. يوم تسير ستار بووكس شو تشرب "لا تقول ما اسير .. فرضا اذا سرت يعني"

هههه .. مرااااات اسير يوم مزاجي رايق .. مم اشرب كابتشينو

4. تعرف تكتب بخط الرقعه

هيه اعرف ..

5. تحب تلعب شطرنج ..؟؟

احب العبها لكن مب محترف فيها .

------

تسلمين على الاسئلة الحلوه ونتريا باقي الاسئلة

الصرنااخ !! اول مره اسمع بيه !!

اووكيه نكمل
1. متى اوول مره اشتريت فيها موباايل .؟؟ وشو كاان نوعه ..؟
2. اي نووع من "الخضروات" تحب .؟
3. وييين انوولدت ..؟؟ فاي مستشفى ..؟؟
4. هل مره عصبت على حد "عشان سالفه معينه" وبعدين طلع ما يخصه فيها ..؟؟ وشوو كاان تصرفك ويا ها الشخص .؟
5. منوو اللي علمك كيف تسووق السياره ..؟؟

ولناا عووووده ^^

1. متى اوول مره اشتريت فيها موباايل .؟؟ وشو كاان نوعه ..؟

نوكيا ( نسيت رقمه بس كانو يسموونه الارنوب )

2. اي نووع من "الخضروات" تحب .؟

ما احب الخضروات واايد بس الخيار

3. وييين انوولدت ..؟؟ فاي مستشفى ..؟؟

في دبي - مستشفى راشد

4. هل مره عصبت على حد "عشان سالفه معينه" وبعدين طلع ما يخصه فيها ..؟؟ وشوو كاان تصرفك ويا ها الشخص .؟

هيه .. سالفة تسجيل التدريب العملي يوم خبركم عنها ( مسجل الكليه المسكين ) .. عصبت عليه لانهم اخروني ساعه ..



5. منوو اللي علمك كيف تسووق السياره ..؟؟

مدرب السواقه

---> ررد اسوود >< هههـ

[