$ يوم من حياتي $ >> قصه واقعيه

السلام عليكم ...

قصة واقعية وليست نسجا من خيال ...

ساعات احس ان الزمن قاسي ولا يمكن يلين ...

هذا اللي شفته في دنيتي وكل مامضى لي من سنين ...

يوم كان من اشد الايام علي كان في يوم حار في ظروف صعبه ..

وقعت احداثها في صيف عام 1992 م كنت في السادسه من عمري وفي أول يوم اجازه في الصيف كانت الحكايه ....

سواف كعادته راد من المدرسه مستانس دور اخوانه اللي اكبر منه بسنتين يبغي يلعب معاهم كره في عز الظهر ما كانت عندي مشكله لكن للاسف انصدم مالقى حد الحبايب سايرين بيت خالتي و اناما عندي حد يوصلني هناك ..

المهم يلس ملاااان متضايق يدور حد يلعب وفجأة رد ابوي من الدوام قلت في بالي لقيت اللي بيلعب معاي عفدت عليه وقلت له قم بنلعب كوره قالي حد يلعب في الصيف وفي عز الظهر .. قالي تعبان راد من الدوام برقد و بلعب معاك العصر .. طبعا سواااف استانس ويلس مجابل الساعه من 2 الى عقب العصر يتريا الاذان ...

اذن المؤذن عفدت عليه ( مب عشان الصلاه ) عسب يلعب معاه كوره قالي سواف بنصلي وعقب بلعب معاك
قلت لاحول ولا قوة الا بالله كم بتريا انا ..

ردينا من الصلاه سواف عفد على الكبت كشخ بثياب رياضه ورش الحوي الصحراوي بالماي عسب يتعدل الملعب وقلت له يالله زهبت كل شي قالي اللي ينظفون المكيفات بييون ينظفوون قلت له ما استوى لعب كوره ..

قالي ما عليك اليوم طويل وبلعب معاك .. المهم يو عمال المكيفات يغسلون المكيفات وعلى ايامنا كان مكيف ( بوحصان) المربع اللي يحفرون له في اليدار مربع ( ان شاء الله انعرف ) المهم حطو المكيقات في الحوي يغسلونهم ..

قلت حق ابوي مادام يغسلونهم بنلعب شوي لين ما يخلصون قال تريا لين 6 .. رديت خايب الامل قلت شو هالصيف الممل ...

المهم عدت الساعه 6 تطرطر الحلج لاني بلعب قلت يالله قالي تريا البس ثياب الريالضه .. وفجاة حد دق الجرس ابوي قالي عيال خالتك ياين بيلعبون معااااك .. طبعا تخبل سوااف قال شو السالفه زين يوم تيمعو .. قلت حق ابوي خلاص ما ابغيك تلعب ما احتاجلك بسير افتح الباب حق الحبايب بينقذوني من هالصيف الممل ..

اخوكم ركض شرات الفهد طر السكه طر .. غبر في الحوي يصيح ويلات الريال

لكن .. لكن ..

حدث مالم يكن في الحسبااان .. موقف حطمني ..

وانا اركض تقربت صوب واحد من العمال كان يغسل حذال الباب و بدون ما يشوفني اركض صوب الباب حرك المكيف وخلى ( زاويته الحاده ) صوبي فما قدرت اوقف عمري وضربني حد المكيف في فخذي حطم صيفي ...

ما شعرت بعمري الا اناطايح وبنطلوني متقطع والدم يصب من فخذي وانا ما اقدر اتحرك من الصدمه ما قدرت ازاعق تميت منصدم أول مره اشوف دم بالغزاره دم داااكن قلت في نفسي ( لا لا حرام ما ابغي اموت بعدني صغير حرام ) ما قدرت غير انه دمعت عيوني نزلت من عيني دمعه كانت تحكي وضعي زلزلتني ارتطم قلبي بضلعي دمرتني صدقوني اصعب اللحظات واقسى يوم تشووف دمك ينزل بغزاااره

واستحضرت كل شي في مخي وقلت اني بفارق الحيااه .. طبعا اغمي علي لاني فقدت واايد دم .. والعامل الله يديه ما عرف على منو يزاعق ما فكر يدق جرس حتى !!

(والباقي من القصه بقوله حسب اللي رواه لي ابوي لاني كنت فاقد الوعي )...

ويزاهم الله خير عيال خالتي شافوني وصاحو وابوي سمع الزعيق ويا شلني ووداني المستشفى قالو حالته صعبه بيغيله غرز المهم خاطو فخذي وقالو الحمد لله ما ضرب حد المكيف الركبه ولا ب تتهشش ؤمبته قال ابوي الحمد لله على كل حال وسلم امره للواقع

رد سواف البيت بعد ما انتهت المعركه مكلل بالجروح .. وصبر على لوعة الحرمان من اللعب شهر ونص يعني ضاعت نص اجازتي لكن قلت قدر الله وما شاء فعل .. لكن طلعت جيمتها في الباقي من الصيف .. ومن الهدايا اللي يتني


وهذا كان يوم من حياتي ..لن انساااه ابدا

تسلمين الشيخه على الرد

والله يعطيكم العافيه

مشكوورعلى ردج لكن سنه 1992 كم كان عمرج ؟ اسووولف معاج

ثانكس على ردج اختي

واحلى ما في الرد

برستيج سولعيه كتب:

كل يوم تعال ..

عيبتني هههههه

الشامسي كتب:

لو خبرتني ...

ههه تسلم على ردك يالحبيب بس اسالك نفس السؤال حق مديرتنا الغاليه حبه جنوني
سنه 1992 كم كان عمرك ؟ اسووولف معاك لا تزعل كلنا حبايب

هههه ... تسلم يالحبيب بس انا ما كان عندي موبايل

ثانكس على ردك

ههههه

كل يوم تعالي !!

يالله عاد ..

كل يوم تعالي

ههههه .. بس خلاص يلا مناك ...

واااااااعليييييييه ..
الهندي يقهر !! .. اكيييد تبريد وتم يطاالعك !!..
الحمدلله عسلاامتك .. صدقهم لو يت فالركبه بتستووي مصيبه يعني الرباط ال ..
ولا اقوول مب لاازم اتفلسف احم p=

هههههههههه ذكرتني باخواني الصغاار عنبووه يستاانسوون يوم يدخلون المستشفى
عشااان يعرفوون انه بتووصلهم هداايااا

جااان زقرتني انا جان لعبت وياااك ^^ << عقوولت حبه جنووني
يلااا زييين خبره حق المستقبل عشان اذا قالك ولدك تعال نلعب كره
تسير تلعب ويااه على طوول
مشكوور سواااف عالقصه .. "عندك طفووله حاافله ماشااء الله"

Yuki كتب:

واااااااعليييييييه ..
الهندي يقهر !! .. اكيييد تبريد وتم يطاالعك !!..
الحمدلله عسلاامتك "

هذا اللي قهرني فيه بعد .. الله يسلمج

Yuki كتب:

صدقهم لو يت فالركبه بتستووي مصيبه يعني الرباط ال ..
ولا اقوول مب لاازم اتفلسف احم p=

بدينا ندخل في سوالف الطب .. كملي عطينا معلومات


--------

كان بودي ازقرج ههههههه

لكن تعرفين تلعبين ؟ >>> لا تستهبل

ثانكس على مرورج ..

ههههههههههههههههه

صج اتضحك

هههههههههههههه

ما روم

اغمى عليك

تسلمين على طلتج ولاهنتي ابد

سواف

و حليلك والله

اكييد كان بيتكم فالخزاميه

لازم جي يستويلك لان الخزاميه فريج المنحوسين

انزين ها الهندي يقهر لو انا منك اشل سجينت المطبخ و اطعنه ماشي تقاهم>>> اونه عااد زعييم


و مشكور سوااف عـ القصه

هيه كنت في الخزاميه ^^ أحلى فريج سكنته

يالتنا ما ظهرنا منه ^^

هههههه خييبه بتجتل على طوول هدي هدي لوول

تسلم على طلتك ولاهنت ابد

سواف

ياحليلكـ،

والله قصتكـ حزينه

تصيح

عيوني دمعت



حرااامـ


تسلمـ اخويه ع الطرح

وربي يحفظكـ من كل شر ان شاء الله ^^