مذكرات طالب جامعي ( الجزء الثاني )

اقربو تفضلو في الحلقه الثانيه من مذكرات طالب جامعي >>> حصريا على منتدانا في رمضاااان

كان يمكان في الكورس اللي طاف كمان >>> حلوه صح

المهم بدخل في السالفه ... >> ذليتنا يالله

الكورس اللي طاف طرحو في كليتنا مساااق سهل اسمه قانون البيئة المهم هالمساق ما يطرحونه مره كل سنه لسهولته

كانت شي شعبتين وحده يدرسها دكتور من الكلية والشعبه الثانيه اللي كنت فيها يابولنا دكتور زائر وياليته ما يانا

المهم هالدكتور يلس يمدح في نفسه ويقول كلكم بتيبون درجات امتياز استانسنا عليه كان دوم ينكت في الكلاس وكان يقول في الامتحان النهائي بكتونون مستانسين لسهولته والشعبه الثانيه بتلاقونهم يخبطو في الحيط من صعبوته ههه زادت الثقه عندي في هالدكتور ووقت الامتحانات ولاول مره اشوف دكتور يسوي هالطريقه للامتحان كان يعطينا 10 اسئلة و اجوبتها ويقولنا احفظهم بييب 5 منهم للامتحان نحن ما صدقنا الامتحان الاول الصف من 19 الى 20 من 20 والامتحان الثاني نفس الحاله .. تمينا نعاير الكلاس الثاني لانه دكتورهم كان شاد عليهم ودرجاتهم داااااون ...

المهم ييبنا امتحان الفاينل دكتورنا اقال امتحانا غير عن امتحان الشعبه الثانيه لاختلاف طريقة التدريس نحن استانسا وعطانا الدكتور 20 سؤال قال بييب 10 منهن

المهم .. اخوكم يوم الامتحان مزاجه رايييق لانه الماااده مفهومه والاسئلة مال الامتحان عدنا .. والحبايب في الشعب الثانيه يقولون الماده صعبه .. يوم دقت ساعة الصفر يلسنا في القاعه كنت اول واحد يالس .. سلموني ورقة الاسئلة ولا اشوف السؤال الاول انصدمت اقول هالسؤال اول مره اقراه !!!

قلت في خاطري يمكن ما ذاكرته بس مب معقوله طوفته المهم قلت بشوف السؤال الثاني نفس الشي اول مره اقراه ولا في النهاية الحزينه انصدم انه جميع الاسئلة مواضيعها ما درسناها !!

قلنا للمراقب هذا مب امتحانا , هذا امتحان الشعبه الثانيه نحن طريقة امتحانا غير .. قالنا بكل برووووود ( حل يابني ولا تهزرش) اقول في خاطري انته فاضي بعد ..

المهم استوت مظاهرات في القاعه . . من الحشرة يانا العميد الطلاب قالو ما بنحل الامتحان وانسحبو كم طالب .. العميد قال بكلم دكتوركم وبتاكد لكن !! يوم كلم الدكتور قاله انا درستهم المنهج كله !! وانا ما اتحملش اي حاجه .. قلت في خاطري افا والله وين النكت في الصف وتييلس تمدح فينا وتقول كلكم امتياز في الفاينل !!
قلت في بالي سواها الخايسه ووهقنا في الامتحان ..

قال دكتورنا مب لازم الكلاس كله امتياز !! وعقب قلت في خاطري من كثر ما كنا نعيب على الشعبه والثانيه و تذكرت المثل ( من عاب ابتلى ) ..

المهم الشباب توهقو صح انه ولا سؤال درسناه وهذا الامتحان عليه 50 درجه يعني يا تنجحك او ترسبك .. الشباب ارتبكو .. لكن الحمد لله خبصنا في الاسئلة والفنا من عدنا لانها اسئلة عن البيئة والله كتب لنا درجه غاااويه ..

وخلصت الحتوته .. نشوفكم في موقف ثاني هالله هالله بالردود !!!