رشيد مع القطو

موضوع: رشيد مع القطو الخميس أكتوبر 04, 2007 10:45 am

السلام عليكم والرحمه..

اشحالكم..شخباركم..عساكم مرتاحين..

هذي القصيده من كلمات سلطان الشاعر

كتبها عن ولده رشيد والقطو...

وهم راجعين من الكويت حصلو قطو في بيتهم..رشيد صغير والقطو صغير اتعلق
رشيد في القطو وحبه وايد ويوم كبر القطو رشيد يبي يشيل القطو لاكن القطو
مو راضي وقام القطو وشمخ رشيد ..وأختربت الصداقه اللي بينهم ..

أختصموا في ساعه وحال..قصتهم مالها عدال

أنتو من زمان أصحاب.. وش خله الصحبه خراب

أخبرونا بالجواب..منو اللي أخطى وعاد

قال القطو ياسلطان ..عليه ولدك غلطان

يمسكني من الكرعان..دومه يدوس العظام

ياني ومسكني من بطني..حتى مصيري أويعني

كنه باغي يشعطني..وضربته ضربة عدال

قام رشيد وهو يشكي..في يده الصوت ويبكي

قلت له ش عندك من الحكي..نشدنا رشيد وقال

ياني القطو يبتلي..ضربني وقام يغتلي

وعندي شاهد علي..يقول القطو عيال

وأنا ياهل مفتهم..والقطو مافيه حشم

ضربني فوق الخشم..بمضافيره الطوال

ماذكر مني الأحسان..طعمته مد الزمان

وأثرك يالقطو خوان..تفعل بي هالأفعال

أخترتك بين الأقطاو..تزقرني وتقول مياو

قلت لك علامك يامباو..ليت باع بفهم الحال

مادامك جذه سويت ..مانباك أظهر من البيت

والله لاضربك ان تميت ..وأربط في ريولك الحبال

قال القطو ياناس..رشيد ماعنده قياس

يمشي ويدربح الراس..وشوف ذنياته الطوال

ويبغيني أظهر من البيت..وأنا قبله ربيت

وهو راجع من الكويت..ولسانه عليه طال

أنا حاااااشه مابظهر..هذا بيتي والمقر

وهو يدورله مفر..خلي يولي هالسبال

دومه يجيكم يشكي..ويفرك عينه ويحكها

وهو مب عارف يتحجا ..جانك بتضارب تعااال

رد رشيد بالكلام..قال القطو ولد حرام

ماداخل قلبه ملام..بدعي عليه بالغربال

أسمع مني الجواب..والله لنادي لك الكلاب

بيظهرون لك من الباب..ويعطلونك عطال

في الليل كلابي تسري..100 والظابط يعري

يجونك وأنته ماتدري..بيمسكونك لامحال

واعتز القطو بلسان ..وقال اني بن قطوان

وأعتزي بيد الشجعان..ربيعي اللي هم الأبطال

في الحرايج متعلمين ..بيونك في ساعه وحين

بحمع كل اللي في الحي..وبجيب وفاي من دبي

ماخلي لك كلب حي..نقضي عليهم في الحال

ضابطي قطو حمر..شجاع وعيونه خضر

عنده الشور والأمر..ومدربنهم على القتال

حاول لمهم من كل مكان ..داعنهم على عيمان

وقال يالله يا شجعان..أهجموا هجمت أبطال

رد رشيد بجوابه..محرج وجايب كلابه

وصارت عندهم هواشه..وبينهم زاد العذاب

ورشيد يشجع الكلاب..

شاف القطو رشيد بحزن و راح رشيد واحتضن ..

ياهي صداقه جميله... وخلصت الضرابه

وسلامتكم

ههههههههههههه سواااف بلاااه موودك مووود قطااوه هالايااام
الحكمه اليابانيه تقووول ..
inu o mikka kaeba san-nen on o wasurenu, neko wa san-nen katte mikka de on o wasureru

يعني:
أطعم الكلب لثلاثة أيام وسيكون شاكراً لك لثلاث سنوات، وأطعم القط لثلاث سنوات وسينسى ذلك بعد ثلاث أيام.

والله القطااوه مالهمش امااان .. بس يووم يلست اتخيل القصيده
ذكروووني بتووم وجيرريي.. خصوصاا يوم قريت ضابطي قطو حمر..شجاع وعيونه خضر
ههههههههههههه نااايس ..
والحين القطوو امره يووم حصل بيت خلي .. يلس فييه
واستووى بيته .. اممره ..
بس تعاااال هااالقطوو شدرااه بالسبلااان ههههههه ..

نااايس سواااف .. تسلم عاختياارك وتسلم عالقصييييده .. ^^

Yuki كتب:: سواااف بلاااه موودك مووود قطااوه هالايااام
ا

يا اختيه اللي يقرى قصايد شحفان ما بيلقى غير القطاوه والجلاب والسبلاااان

Yuki كتب:: الحكمه اليابانيه تقووول ..
inu o mikka kaeba san-nen on o wasurenu, neko wa san-nen katte mikka de on o wasureru
يعني:
أطعم الكلب لثلاثة أيام وسيكون شاكراً لك لثلاث سنوات، وأطعم القط لثلاث سنوات وسينسى ذلك بعد ثلاث أيام.

يا ساتر على هالحكمه ... بس القطو يغمض بعد يوم يجلب عند الباب يكون يوعان ...

Yuki كتب:: والله القطااوه مالهمش امااان .. بس يووم يلست اتخيل القصيده
ذكروووني بتووم وجيرريي.. خصوصاا يوم قريت ضابطي قطو حمر..شجاع وعيونه خضر

تراه قطاوة شحفان مب هينين مدربين على القتال وعندهم دورات عسكريه هههههه

Yuki كتب:: والحين القطوو امره يووم حصل بيت خلي .. يلس فييه
واستووى بيته .. اممره ..

هذا القطو ماطاع يطلع لانه موجود في البيت قبل رشيد فالفقطو مستوي من اهل البيت وعيب يروغونه هههه

Yuki كتب:: بس تعاااال هااالقطوو شدرااه بالسبلااان .

هذا القطو مثقف مب شرات قطاوتنا ... قطو فاااهم في الحياه >> ايواااا ههههههه

Yuki كتب:: نااايس سواااف .. تسلم عاختياارك وتسلم عالقصييييده .. ^^

تسليم على ردج الحلو ...
لاهنتي

اخوج : سواف

هههههههههههههههههه

حليل حااااالهم

مانروووم على هيـكـ صدااقه

نااايس ناااايس حليلهم القطااو ههههه حبيت القصيده

أخترتك بين الأقطاو..تزقرني وتقول مياو

قلت لك علامك يامباو..ليت باع بفهم الحال

تسلم الشيييخ ونترقب من صوووبكـ اليديد =)

ربي يحفظــــكـ لا هنـــــت

حبـه جـ ن ــوني

تسلمين حبه جنوني المهم انه عيبتج

ونتريا يديدج

لاهنتي

اخوج : سواف

مشكووووور على المضوع

نتريا يديك

وهو يدورله مفر..خلي يولي هالسبال

هههههههههههههههههه حليله قطو جيييييييه يسومبه . سبال و امباع و حاله ههههههههه

غمضنـــــــى رشييييييد ياكل القطو العيااار و حذاك يشربخه مسود الويههه .. ما يخيييل ... هههه

الحييييييييين هذااا كاتب قصيده طول بعرض عن قطو .. و اناااااا محد كتب فيني قصاايد شوو هاااا !!!

ضحكتني القصيده ..

تسلم سوااااااالف على قصيده القطو شكلك تحب القطاااو !! ..

نتريـــااا يديك .. مياااو مياااو ههههههه

ولد الشوامس + مس كشخه

ثااانكس على ردكم ونتريا يديدكم

لاهنتو

سواف