قصيدة القطو ...

وينها القطوه وشلذي صار
انا مخلنج تحرسين

الفارخبق كل لقشار
وانتي علامج ماتحرجين

خابر القطوه تاكل الفار
وانتي صداقه ويا الفيارين

مابينكم احيد لنكار
خابر عداوتكم من اسنين

مجنونة ما عندج افكار
هذا صديج مول ميعين

يوم اتفقتو والصلح صار
هل كيف حقي ماتقولين

بخوز اقشاري عن الضار
ماتعلمين انهم مخربين

واليوم باحملج لخسار
واطلبج يهالقطوه الفين

يالخاينه ماعندج اقدار
هل كيف مني ماتحشمين

قالت انته ماعندك انظار
وكله اتحكي بالحكي شين

خربوط وتزيد بالاشعار
اول اعرفها قصتي زين

الفار قربي ساكن ويار
ولجيرته قدرت مسكين

وانا معي اولاد اصغار
آضعتهم وعيال يومين

لو انا قبضت فيمب ليدار
عني قفز من تحت ليدين

وافتر عني يبغي الغار
وبعدين خالف عالصغيريين

لو كان عاده باخذ الثار
مترى ضنايه عندي اضنين

احسن اليه باكف لشرار
ماحب شي ايصير مب زين

قتلها ثر الشرف فيج بار
دامج لعبتي على الحبلين

ظنيتبج قطوه ملخيار
مدريت لنج من لمجمرين

حسبتي لنفسج لهالضار
وليش حقي ماتحسبين

خبيلة ماعندج افكار
كم طعمتج بما تحبين

لي تشتهي نفسج وتختار
كل يوم لج سمكه وخبزتين

قالت جوابك كله انكار
اصدق ولاتغدي ميينين

لاتستوي بالقول فشار
مدريت لنه فيك ويهين

مالعيش تطعمني القشار
ومالسمج تعطيني الغناغين

اتفر عليه خبز كسار
غصيتبه حتى وديتين

قتلها نسيتي الذي صار
بالصدق قولي لاتكذبين

نهار ماعندنا الخطار
بقتي الديايه من ملة الصين

عمل شين ومول مب سار
يالهلعة الي ما تخيلين

قالت انته رغيب وعيار
وعند الاكل تاكل عن اثنين

تمر على البارد وعالحار
وتلحس بعد حتى المواعين

مادام تلقف كل الذي صار
انا الاكل بيني من وين

هبابه لبطنك البخار
في كل ساعه له ويبتين

قتلها انتي مافيج مقدار
حيالة وايد اتهرجين

امديم لج بالكذب تكرار
قصري السانج لا اطولين

ذلفي وعندنا مالج اقدار
وماباج في بيتي اتمين

وسيشلي اعيالج من الدار
امديم لعيالي اموصخين

قالت اعيالي كلم اخيار
دايم مع اعيالك مسلين

كم كم وكم فروهم بلحجار
كل يوم عندي ايون شاكين

سكت وتحملت لخطار
اذية عيالك هالشياطين

قتلها انتي وعيالج اشرار
وبيبين عند اشيوخج الوالين

بشكي مع الي ياخذ الثار
مع شيوخ لقطاوه العدلين

علمتهم عن كل لخبار
قالو عنها ماهوب دارين

قالوليه لتكون فكدار
كلنا لشانك مستعدين

بنحكمها لك حكم جبار
من امره صالح فيارين

هل كيف ماترجع بلشوار
حتى اريساها هوب راضين

مديرها بايرفع اقرار
وحق الوزير العلم بيبين

مكتوب بييها بلسطار
فيه ختم حكامه الفهمين

توقيع من لقطاو لكبار
للمحكمة لازم اتحضرين

ياها قطو شرطي ملشطار
عليه فوق الكتف خيطين

اول امايا ناول اصطار
عالويه لين انصبت العين

ضيع حيلها وكل لقمار
حنتي يهالقطوه وبيبين

الحين تميتي فلخطار
لقطاو بيونج محرجين

وحكم عليها القاضي الزار
وثبت عليها جلد ميتين

ويقول كانها مصادقه فار
لازم عليها حبس سنتين

تمت وهذا الذي معي صار
مدري منو ليغالب الحين

سلطان دوم ايقول لشعار
فكلاب وقطاوه وفيارين



كلمات :سلطان الشاعر (اشحفان)

ونتريا ردوكم